MPSC Student Protest Pune : पुण्यात एमपीएससीचे परीक्षार्थी रस्त्यावर, शास्त्री रोडवर मोठ्या संख्येनं आंदोलन पुणे शास्त्री रोडवर MPSC PSI उमेदवारांचे तीव्र आंदोलन! 🚨 📸 फोटो: X/@RRPSpeaks | लोकसत्ता महाराष्ट्रात पोलीस उपनिरीक्षक (PSI) भरती परीक्षेसाठी वयोमर्यादा वाढवण्याची मागणी मागील काही दिवसांपासून विद्यार्थ्यांकडून मोठ्या प्रमाणावर केली जात आहे. मात्र राज्य सरकारकडून अद्याप या मागणीवर कोणताही निर्णय घेतलेला नाही. त्यामुळे उमेदवारांमध्ये नाराजी निर्माण झाली असून अनेक ठिकाणी या मुद्द्यावर आंदोलन पेटले आहे. पुण्यात विद्यार्थ्यांचे आंदोलन गुरुवारी रात्री उशिरा पुण्यातील शास्त्री रोड परिसरात शेकडो स्पर्धा परिक्षार्थींनी रस्त्यावर उतरत जोरदार आंदोलन केले. वयोमर्यादा वाढवण्याच्या मागणीसाठी विद्यार्थ्यांनी आक्रमक भूमिका घेतली असून प्रशासनाच्या भूमिकेविरोधात तीव्र संताप व्यक्त केला. या आंदोलनादरम्यान काही विद्यार्थ्यांना पोलिसांनी ताब्यात घेतल्याचे समजते. राजकीय नेत्यांचा निषेध आणि समर्थन या घटनेनंतर विविध राजकीय पक...